dil ne wafa ke naam per.....

dil ne wafa ke naam per kaar-e-jafa nahi kia 

Khud ko halak kar liya Khud ko fida nahi kia 

kaise kahen ke tujh ko bhi humse hai wasta koi? 

tune to humse aaj tak koi gila nahi kia 

tum bhi kisi ke baab mein ahad-shikan ho galiban 

maine bhii ek shaKhs ka qarz ada nahi kia

jo bhii ho tum pe mautariz us ko yahi jawaab do 

aap bahot shareef hain.. apne kya nahi kia

jis ko bhii sheKh-o-shah ne hukm-e-Khuda diya qarar 

humne nahi kia wo kaam haan ba-Khuda nahi kia 

nisbat-e-ilam hai bahot hakim-e-waqt ko aziz 

us ne to kaar-e-jehl bhi be-ulama nahi kia

Meri Masoom Ferozi

Meri Masoom Ferozi, Meri Mabooda E Jaan...
Mil Gaya Hai Mujhe Maktoob E Muhabbat Ka Jawaab
Uss Kay Andaaz E Nigaarish Sey Pareshaan Hoon Main
Wehshat Afza Hai Meray Wastay Asloob E Khitaab
Dekhna They Mujhe Sharmaye Huwey Kuch Jumley
Yeh Ahadees O Riwayaat Nahin Sun'na Theen
Dekhna Tha Mujhe Ek Jazba E Kaamil Tum Mein
Mujhko Quraan Ki Ayaat Nahin Sun'na Theen
Tum Nay Likha Hai K Tum Bhai Samjhti Ho Mujhe
Aab E Zam Zam Sey Kero Pur Na Jawaani Ka Ayaagh
Tum Ney Likha Hai K Pakeeza Muhabbat Hai Mujhe
Shamma E Kaaba Se Jalao Na Meri Shab Ka Chiraagh
Tum Ager Bhai Samajhti Ho To Yeh Bhi Likhoo
Bhai Kay Khat Bhi Chup Chup Kay Parha Kartay Hain?
Tum Agar Bhai Samjhti Ho To Yeh Bhi Batlaao..
Bhai Ka Naam Bhi Sharmaa Kay Liya Kartay Hain?
Main Nay Samjha Tha MayNaab E Takhayyul Tum Ko
Ab Yeh Taqdees E Takhhayyul To Barri Mushkil Hai..
Aao Main Tumko Batlaaon Kay Muhabbat Kiya Hai..
Hasrat E Larzish E Bay Jaa Ka Mukammal Ehsaas
Mard O Aurat Mein Meri Hoor Teray Sir Ki Kasam
Rishta E Aadam O Hawwa Kay Siwa Kuch Bhi Nahin...

Kuch Khwab Andekhy Say

Jab Teri Jaan Hogayi Hogi..
Woh Jaan Heraan Hogayi Hogi..
 Shab Tha Meri Nigah Ka Bojh Us Per..
Woh To Halkaan Hogayi Hogi..
Us Ki Khatir Huwa Main Khuwar Bohot..
 Woh Meri Aan Hogayi Hogi..
Ho K Dushwaar Zindagi Apni..
Kitni Asaan Hogayi Hogi..
Be Gilah Hoon Main, Ab Bohot Din Sey..
Woh Pareshaan Hogayi Hogi..
Ek Haweli Thi, Dil Mohalle Me..
Ab Woh Viraan Hogayi Hogi..
 Us K Koochay Mein Aayi Thi "Sheereen"..
Uski Darbaan Hogayi Hogi..
Kamsini Me Bohot Shareer Thi Woh..
 Ab To Shetaan Hogayi Hogi.